Edison Balla ka lindur dhe është rritur në Bulqizë. Ai ka mbaruar studimet Bachelor për Drejtësi në Universitetin “Aleksandër Moisiu” në Durrës, më pas ka përfunduar edhe studimet Master Shkencor, E drejtë civile dhe tregtare në Universitetin “Luarasi”.

Aktualisht, Edisoni është pedagog në Departamentin e Drejtësisë pranë Universitetit “Aleksandër Moisiu” Durrës. Po ashtu i angazhuar edhe në një emision të përjavshëm si analist për çështjet juridike dhe problematikat sociale. Ai është prej kohësh pjesë aktive e Shoqërisë Civile. Themelues i Forumit “Të Rinjtë e Dibrës” dhe Bordit Rinor të Bulqizës.

Në një postim në rrjetin shoqëror Facebook, Edison Balla e ka përkrahur kërkesën e Qendrës “Gjenocidi në Kosovë – Plagë e Hapur” që lulëkuqja me katër petale të bëhet simbol i përkujtimit të gjenocidit në Kosovë.

Ky është postimi i tij:

Mbështes padyshim nismën e Qendra “Gjenocidi në Kosovë – Plagë e Hapur” që lulëkuqja të jetë simboli zyrtar në kujtim të gjithë atyre viktimave, të rinj e të moshuar, gra e fëmijë që u vranë pabesisht e padrejtësisht nga regjimi gjakatar i Serbisë vetëm pse donin të jetonin të lirë në një vend të pavarur! 
Ne nuk harrojmë

Qendra “Gjenocidi në Kosovë – Plagë e Hapur” falënderon Zotin Balla për këtë përkrahje.

Bardhyl Mahmuti, Kryetar
Adnan Asllani, Zëvendëskryetar