Më 17 prill 1999 forcat serbe ushtruan një nga aktet më të tmerrshme gjenocidare duke vrarë civilët shqiptarë në fshatin Poklek të vjetër dhe Çikatovë të vjetër të Drenicës.

77 viktimat e kësaj barbarie serbe pasi ishin vrarë, kufomat e tyre ishin djegur, për të humbur gjurmët e krimit.

As foshnjat gjashtëmuajshe e as pleqtë 75 vjeçar nuk u kursyen. Për shtetin serb që po zbatonte planin e gjenocidit ndaj shqiptarëve nuk kishte rëndësi as mosha as gjinia.

As sot kur po bëhen 22 vjet nga ky akt gjenocidar, që njihet si masakra e Poklekut e Çikatovës, nuk është dënuar askush për këto krime të tmerrshme.

Përgjegjës për këtë krim të shëmtuar është shteti Serb, i cili duhet të japë llogari për vrasjen e civilëve shqiptarë, si dhe gjenocidin ndaj shqiptarëve në Kosovë.

Drejtësi për viktimat e gjenocidit në Kosovë!

Drejtësi për të vrarët në Poklek e Çikatovë!