Profesori i historisë në Universitetin e Tetovës, Zoti Ilir Memedi, ka përkrahur iniciativën e Qendrës “Gjenocidi në Kosovë – Plagë e Hapur” që lulëkuqja të bëhet simbol zyrtar i përkujtimit të gjenocidit në Kosovë.

Në një postim të tij të rrjetin shoqëror facebook ai ka shkruar:

Përkrahje e padiskutueshme dhe njëherit apel për të përligjur në mënyrë institucionale iniciativën e Qendrës “ Gjenocidi në Kosovë – Plagë e hapur” , LULËKUQJA ME KATËR PETALE të zyrtarizohet si simbol unik në shërbim të kujtesës kolektive kombëtare dhe qytetërimit botërorë.
mr.sc. Ilir Memedi profesor në Universitetin e Tetovës, Fakulteti Filozofik – departamenti i Historisë

Qendra “Gjenocidi në Kosovë – Plagë e Hapur” e falënderon profesor Ilir Memedin për këtë përkrahje të rëndësishme për ne si dhe për kontributin e tij në Universitetin e Tetovës si një vatër e dijes dhe edukimit.

Bardhyl Mahmuti, Kryetar
Adnan Asllani, Zëvendëskryetar