Z. Endrit Topalli, shtetas amerikan me origjinë shqiptare nga Shkodra, prokuror në rrethin e Oakland të shtetit të Michiganit, doli haptas në mbështetje të kërkesës që lulëkuqja me katër petale të bëhet simbol i përkujtimit të viktimave të gjenocidit në Kosovë.

Në publikimin që ka bërë në rrjetin social Facebook, z. Endrit Topalli shkruan:

Mbështes nismën e Qendra “Gjenocidi në Kosovë – Plagë e Hapur” që lulëkuqja të jetë simboli në kujtim të viktimave të gjenocidit serb ndaj shqiptarëve të Dardanisë.

Sa për informim të atyre që nuk e njohin, z. Endrit Topalli ka diplomuar në Fakultetin Juridik dhe në Shkenca Politike në SHBA dhe është doktor shkence i të Drejtës Penale. Para se të bëhet prokuror i shtetit të Michiganit, z. Topalli ka qenë avokat.

Përkundër asaj se është i integruar në sferat e larta të drejtësisë amerikane, , z. Endrit Topalli  dallohet si personalitet që është angazhuar me tërë seriozitetin e vet kur bëhet fjalë për çështje me interes kombëtar shqiptar.

Qendra “Gjenocidi në Kosovë – Plagë e Hapur” falënderon Zotin Endrit Topalli për këtë përkrahje shumë të rëndësishme për ne.

Bardhyl Mahmuti, Kryetar
Adnan Asllani, Zëvendëskryetar