Gjenevë, Më 25 maj 2023

Të nderuar familjarë të zonjës Miradije Maliqi,

Të nderuar miq,

Me dhembje të madhe morëm lajmin e hidhur për vdekjen e intelektuales, shkrimtares, humanistes dhe veprimtares së shquar të çështjes kombëtare, zonjës Miradije Maliqi.

Zonja Miradije Maliqi do të mbesë në kujtesën e të gjithë atyre që e kanë njohur si njeri i jashtëzakonshëm dhe këmbëngulëse në realizimin e të drejtave të plota kombëtare dhe njerëzore.

Edhe pse ishte në luftë me sëmundjen e rëndë, zonja Miradije Maliqi u angazhua në kuadër të  Qendrës “Gjenocidi në Kosovë-Plagë e hapur” për të dhënë kontributin e saj për të sensibilizuar opinionin publik ndërkombëtar dhe institucionet me rëndësi në skenën politike ndërkombëtare për krimin e gjenocidit që ka kryer Serbia kundër shqiptarëve në Kosovë.

Qoftë i përjetshëm kujtimi për Miradije Maliqin!

Qendra “Gjenocidi në Kosovë- Plagë e hapur”

Bardhyl Mahmuti, Kryetar

Adnan Asllani, Zëvendëskryetar